भवान्यष्टकम्
न तातो न माता न बन्धुर्न दाता
न पुत्रो न पुत्री न भृत्यो न भर्ता।
न जाया न विद्या न वृत्तिर्ममैव
गतिस्त्वं गतिस्त्वं त्वमेका भवानि॥१॥
भवाब्धावपारे महादुःखभीरु
पपात प्रकामी प्रलोभी प्रमत्तः।
कुसंसारपाशप्रबद्धः सदाहं
गतिस्त्वं गतिस्त्वं त्वमेका भवानि॥२॥
न जानामि दानं न च ध्यानयोगं
न जानामि तन्त्रं न च स्तोत्रमन्त्रम्।
न जानामि पूजां न च न्यासयोगं
गतिस्त्वं गतिस्त्वं त्वमेका भवानि॥३॥
न जानामि पुण्यं न जानामि तीर्थं
न जानामि मुक्तिं लयं वा कदाचित्।
न जानामि भक्तिं व्रतं वापि मातर्
गतिस्त्वं गतिस्त्वं त्वमेका भवानि॥४॥
कुकर्मी कुसङ्गी कुबुद्धिः कुदासः
कुलाचारहीनः कदाचारलीनः।
कुदृष्टिः कुवाक्यप्रबन्धः सदाहं
गतिस्त्वं गतिस्त्वं त्वमेका भवानि॥५॥
प्रजेशं रमेशं महेशं सुरेशं
दिनेशं निशीथेश्वरं वा कदाचित्।
न जानामि चान्यत् सदाहं शरण्ये
गतिस्त्वं गतिस्त्वं त्वमेका भवानि॥६॥
विवादे विषादे प्रमादे प्रवासे
जले चानले पर्वते शत्रुमध्ये।
अरण्ये शरण्ये सदा मां प्रपाहि
गतिस्त्वं गतिस्त्वं त्वमेका भवानि॥७॥
अनाथो दरिद्रो जरारोगयुक्तो
महाक्षीणदीनः सदा जाड्यवक्त्रः।
विपत्तौ प्रविष्टः प्रणष्टः सदाहं
गतिस्त्वं गतिस्त्वं त्वमेका भवानि॥८॥
The complete text in Roman script.
श्लोक
Na tāto na mātā na bandhurna dātā
Na putro na putrī na bhṛtyo na bhartā |
Na jāyā na vidyā na vṛttirmamaiva
Gatistvaṃ gatistvaṃ tvamekā bhavāni || 1 ||
Bhavābdhāvapāre mahāduḥkhabhīru
Papāta prakāmī pralobhī pramattaḥ |
Kusaṃsārapāśaprabaddhaḥ sadāhaṃ
Gatistvaṃ gatistvaṃ tvamekā bhavāni || 2 ||
Na jānāmi dānaṃ na ca dhyānayogaṃ
Na jānāmi tantraṃ na ca stotramantram |
Na jānāmi pūjāṃ na ca nyāsayogaṃ
Gatistvaṃ gatistvaṃ tvamekā bhavāni || 3 ||
Na jānāmi puṇyaṃ na jānāmi tīrthaṃ
Na jānāmi muktiṃ layaṃ vā kadācit |
Na jānāmi bhaktiṃ vrataṃ vāpi mātar
Gatistvaṃ gatistvaṃ tvamekā bhavāni || 4 ||
Kukarmī kusaṅgī kubuddhiḥ kudāsaḥ
Kulācārahīnaḥ kadācāralīnaḥ |
Kudṛṣṭiḥ kuvākyaprabandhaḥ sadāhaṃ
Gatistvaṃ gatistvaṃ tvamekā bhavāni || 5 ||
Prajeśaṃ rameśaṃ maheśaṃ sureśaṃ
Dineśaṃ niśītheśvaraṃ vā kadācit |
Na jānāmi cānyat sadāhaṃ śaraṇye
Gatistvaṃ gatistvaṃ tvamekā bhavāni || 6 ||
Vivāde viṣāde pramāde pravāse
Jale cānale parvate śatrumadhye |
Araṇye śaraṇye sadā māṃ prapāhi
Gatistvaṃ gatistvaṃ tvamekā bhavāni || 7 ||
Anātho daridro jarārogayukto
Mahākṣīṇadīnaḥ sadā jāḍyavaktraḥ |
Vipattau praviṣṭaḥ praṇaṣṭaḥ sadāhaṃ
Gatistvaṃ gatistvaṃ tvamekā bhavāni || 8 ||
What it says, in simple English.
1 – I have no father, mother, relative or benefactor, no son, daughter, servant or husband, no wife, no learning and no livelihood of my own: you alone are my refuge, you alone, O Bhavani.
2 – In the endless ocean of worldly life, terrified of great sorrow, I have fallen – full of desire, greed and carelessness – forever bound by the noose of this wretched world. You alone are my refuge.
3 – I know nothing of charity or meditation, of tantra, hymns or mantras, of worship or nyasa. You alone are my refuge.
4 – I know nothing of merit, of pilgrimage, of liberation or absorption, of devotion or vows, O Mother. You alone are my refuge.
5 – I do wrong, keep bad company, think badly, serve the wrong masters, have abandoned good conduct, and my eyes and words are unkind. You alone are my refuge.
6 – Brahma, Vishnu, Shiva, Indra, the Sun or the Moon – I know none of them; I know no one else, O giver of refuge. You alone are my refuge.
7 – In arguments and grief, in carelessness and in foreign lands, in water and fire, on mountains and among enemies, in the forest – always protect me. You alone are my refuge.
8 – Helpless, poor, burdened by age and illness, utterly weak and wretched, always dull of speech, sunk in misfortune and lost – you alone are my refuge, you alone, O Bhavani.
Recited on Navratri, Fridays and in any crisis – a hymn of complete surrender to the Mother.
